ब्यवस्था फेरियो, अवस्था उस्तै त छ : रामबालक बनियाँ

कलैया । फोटोमा देखिएका ब्यक्ति बारा जिल्लाको सदरमुकाम समेत रहेको कलैया  उपमहानगरपालिका वडा नं.६, मदर्सा टोल निवासी ६५ बर्षिय रामबालक साह बनियाँ हुन् ।

केही दिनअघि नेकपा माओवादी केन्द्रले तराई मधेश जागरण अभियानका क्रममा कलैया नगरकमिटिले मटिअर्वा पिलुवा सडक नै बन्द गरेर भरत चोक स्थीत कलैया घण्टाघर नजिकै आमसभाको आयोजना गरेको थियो । सभालाई पूर्वप्रधानमन्त्री एवं नेकपा माओवादी केन्द्रका अध्यक्ष प्रचण्डले सम्बोधन गरेका थिए ।

उक्त कार्यक्रमको तामझामका क्रममा आसपासका बोट विरुवा तथा पोलहरुमा कम्युनिष्ट पार्टीको झण्डा झुण्डाईका थिए । सोही झण्डाका मुनी रापिलो घामको प्रवाह नगरी सडक पेटीमा प्लाष्टीकको टुलमा बसे बदाम किन्ने ग्राहक पर्खिरहेका थिए । नजिकै आमसभा चलिरहेको थियो ।

उनीसभामा आएकाहरुलाई बदाम बेच्दै कमरेड प्रचण्डको भाषण सुनिरहेका थिए । कार्यक्रम सकिएको केही बेरपछी उनीसँग बदाम किन्न पुग्दा हामीले सोध्यौं ,भाषण सुन्नुभयो । कस्तो लाग्यो ? हामीले ६५ बर्षिय रामबालक साह बनियाँ सोध्यौं ।

उनले सामान्य जवाफ फर्काए हामीलाई अल्मल्याउने वाहेक के बोल्छन् नेता ?  ब्यवस्था फेरिएपनी अवस्था उस्तैछ । अस्पतालमा राम्रो उपचार पाईदैन । औषधी महँगो छ । सरकारी कार्यालयहरुमा घुस नभई काम हुँदैन ।

लाभका पदमा पुगेपछी नेताले जनता विर्षिहाल्छन् । सत्तामा नहुँदा जनता सम्झने नेताहरुबाट देश कसरी बन्छ ,उनले प्रश्न गरे । गरिब झन गरिब हुने । धनी झन धनी हुँदै जाने उही पुरानै ब्यवस्थाको नयाँ रुपलाई गणतन्त्र भनिएको त रहेछ , उनले सुनाए ।

उनले सुरुमा बरफ बच्चे रे । पछि खरभुजा बदाम, मुरब्बा र सोका परिकार बेच्न थालेको ३५ बर्ष बढी भएको सुनाए । उनले आफु कुनै पार्टीमा नरहेको । मजदुर भएको । पार्टीको गतिवीधिमा चासो नभएको मात्रै सुनाएनन् । उनले चुनावी समय अनुसार सबै पार्टीका नेतालाई भोट चैं दिँदै आएको बताए ।

उनले कलैयाका पूर्व मेयर राजेश राय यादव, बहालवाला विनोद साहलाई पनि भोट दिएको बताए । नजिकै उनका जेठा र अलिपर कान्छा छोराले लालमि (खर्भुजा) बेचिरहेको र आफुले बदामको दोकान चलाएको सुनाए ।

हामी बदाम छोडाउँदै नाजवाफ गन्तब्य तिर लाग्यौं ।