सन्तान प्राप्तीको भाकल पुरा भएपछि आँगनमै तलाउ खनेर छठ पूजा

बारा । तराईमा आज चैती छठ पर्व मनाईदैछ । चैती छठका दिन एक पिताले आफ्नी विवाहित छोरीको सन्तान प्राप्तीको भाकल पुरा भएपछि आफ्नै घरको आँगनमा तलाउ (घाट) खनाएर छठ पूजा गराएका छन् ।

जितपुरसिमरा उपमहानगरपालिका वडा नं.१८ निवासी रामबाबु पटेलले छोरीको सन्तान प्राप्तीको कामना सहितको भाकल पूरा भएपछी धार्मिक विधि अनुसारको चैती छठ पूजाका लागि आँगनमा तलाउ खनाएका हुन् ।

उनले आफु बस्ने घरको आँगनमा दूई फिट गहिरो चार फिट चौडाको तलाउ बनाए । परिवारका अन्य सदस्यले लिपपोत गरे । रामबाबुले मोटर पम्पबाट पानी भरिदिए । चारै तिर केराका विरुवाका थाम गाडेर झिलिमिलि वत्ती सहित सिंगारिदिए । तलाउ किनारमा पूजा सामाग्री सहित उनकी पत्नी कुमरिया देवी बसेर पूजा गरिरहकी थिईन् ।

दुई छोरीहरु, रामबाबुका आमा बुवा र अन्य साना नानीहरु नजिकै पूजा स्थल वरापर थिए । घरमाथी स्पिकरमा छठका गीत गुञ्जीरहेका थिए । आँगनमै तलाउ बनाउनु भएको रहेछ त । भनेर हामीले सोधनी गर्दा रामबाबुले “नजिकै बसिरहेकी विवाहित तर्फ देखाउँदै उत्यो छोरीको सन्तान प्राप्तीको कामना सहितको भाकल गरेका थियौं ।

भाकल पुरा भयो । छोरी एकबर्ष अघि आमा बनिन् । हामी हजुरबुवा हजुरआमा भयौं । भाकल पुरा भएपछिको पहिलो चैती छठ गरिरहेका हौं, ” उनले सुनाए ।
“भाकल अनुसार छठ गर्नुपर्ने थियो । असोज कार्तिकमा हुने छठमा जस्तो धेरै मानिसले चैती छठ मान्दैनन् । अन्यत्रका तलाउ पैनी जान जोखिम लाग्यो । त्यसैले विहानभरी लगाएर आँगमै सानो तलाउ खने । मोटरले पानी भरें । सिंगारें । अहिले पूजा गर्दैछौं,” रामबाबुले सुनाए । छठप्रतिको आस्था र विश्वासका अगाडी यो सामान्य काम थियो ।

विवाह गरेको लामो समय छोरीको बालबच्चा नहुँदा घरपरिवार तनावमा थियौं । पत्नी कुमारीया देवीले सन्तान प्राप्तीको कामना सहित चैती छट गर्ने भाकल गरेकी रहिछन् । उनले बताए ।

आज स्थानिय तालतलैयामा संजिया घाटमा गई अस्ताउँदो सूर्यलाई अर्घ दिईएको छ । भने भोलि सम्झाँझै पूनः घाट गई पारन अर्थात उदाउँदो सूर्यको पूजा आरधना गरेपछी विधिवत छठ पर्वको समापन हुनेछ ।