चियाले पोलेर १६ महिने बालिकाको मृत्यु

बारा । चियाले पोलिएकी १६ महिने बालिकको मृत्यु भएको छ । जीतपुरसिमरा उपमहानगरपालिका वडा नं.१२ को फत्तेपुर शान्ति टोलका जितेन्द्र साहकी छोरी १६ महिनाकी जुही साहको चियाले पोलेर ज्यान गएको प्रहरीले जनाएको छ ।

मृतक बालिकाका हजुरबुवा मिश्रीलाल साहका अनुसार “पाँचदिन अघि गत शनिबार घरको आँगनको चुल्होमा कराईमा चिया पक्दै थियो । साथीहरुसँग आँगनमै खेली रहेकी जुही अकस्मात चियाको कराईमा लडिन् । चियाले दाहिने हात देब्रे खुट्टा सहित शरिरको आधा भाग पोलेर गम्भीर घाईते भएकी उनलाई स्थानिय स्वास्थ्य संस्थामा उपचार गरियो । स्थानिय उपचारबाट शरिरका घाउहरुमा खाटा बस्दै थिए । बुधार अपराहन्न १२ बजे तिर जुही गम्भीर भईन् ”उनले सुनाए ।

परिवारका सदस्यले तत्काल जीतपुरसिमरा उपमहानगरपालिका २ सिमरा स्थीत नगर अस्पताल पुर्याए । तर उनको ज्यान गईसकेको चिकित्कले बताए ।

हामीकहाँ बच्चा आएपछि परिक्षण गर्दा उनको मृत्यु भईसकेको थियो । शारिक जलनका कारण बालिकाको ज्यान गएको हो । समयमै उपयूक्त अस्पतालमा उपचार भएको भए बालिकाको ज्यान जोगिन सक्थ्यो होला नगर अस्पतालका चिकित्सक प्रशान्त वर्णवालले बताए ।