पत्रकारले गरे प्रमुख जिल्ला अधिकारी मार्फत नेपाल सरकारको ध्यानाकर्षण

बारा । नेपाल पत्रकार महासंघ बाराले प्रमुख जिल्ला अधिकारी मार्फत नेपाल सरकारको ध्यानाकर्षण गरेको छ । राष्ट्रिय अभियान अन्तरगत सोमबार विहान नेपाल पत्रकार महासंघ बाराका उपाध्यक्ष पन्नालाल दासको नेतृत्वमा गएको पत्रकारहरुको टोलीले प्रमुख जिल्ला अधिकारीलाई लिखित ध्यानकर्षण पत्र बुझाएको हो ।

यही चैत १५ गते काठमाडौंको तीनकुनेमा भएको हिंसात्मक प्रदर्शनको गहिरो अनुसन्धान गरी हत्यामा संलग्न सबैलाई फौजदारी अभियोगमा कारबाही गर्न पत्र मार्फत माग गरिएको छ । मृतक सुरेश रजकको परिवारलाई क्षतिपूर्ति दिन, सञ्चारमाध्यम र सञ्चारकर्मीमाथि आक्रमण गर्ने सबैलाई कानुनी कठघरामा ल्याउन भनिएको छ । यस्तै क्षति पु¥याईएका सञ्चारगृह र सञ्चारकर्मीलाई यथोचित क्षतिपूर्तिका साथै घाइते पत्रकारको उपचारको प्रवन्ध मिलाउन महासंघ जोडदार माग गर्दछ ध्यानकर्षण पत्रमा भनिएको छ ।

आन्दोलनका क्रममा एभिन्यूज टेलिभिजनका पत्रकार सुरेश रजकको खिच्ने क्रममा आगोमा जलेर ज्यान गएको थियो । अराजक समुहले अन्नपूर्ण पोष्ट दैनिकको कार्यालय भवनको भुइँतल्लामा आगो लगाउनुको साथै ढुंगामुढा गरी क्षति पु¥याइएका थिए । कान्तिपुर टेलिभिजनको भवनमा ढुंगामुढा , हिमालयन टेलिभिजनको सवारी साधनमा तोडफोड गरी क्षति पु¥याइएको थियो । यस्तै पत्रकार दिनेश गौतम माथि आक्रमण गरी खुट्टा भाँचिएको र फोटो पत्रकार निराज तामाङको क्यामेरा हराएको थियो ।

घटना भएको भोलिपल्टबाट नेपाल पत्रकार महासंघ केन्द्रिय समितिको आव्हानमा देशभर आन्दोलन भैरहेको छ । १६ गते देशभरका जिल्ला, प्रदेश र केन्द्रले राजधानी एवं सदरमुकामहरुमा विरोध प्रर्दशन गरियो । १७ गते पत्रकारहरुले कालोपट्टी बाँधे भने १८ गते प्रमुख जिल्ला अधिकारी मार्फत सरकारको ध्यानाकर्णष गरिएको हो ।

अराजक समुहको निसानामा परेका सञ्चारकर्मी र सञ्चारमाध्यमका साथै प्रेस तथा अभिव्यक्ति स्वतन्त्रता हननका घटनाहरूमा संलग्नहरूलाई तत्काल कानुनी कारबाही गर्नु । भविष्यमा सञ्चारमाध्यम र सञ्चारकर्मीको सुरक्षाको उचित प्रवन्ध मिलाउन पनि महासंघ माग गर्दछ ।

महासंघले कडा शब्दमा भनेको छ हाम्रो माग एक साताभित्रै सम्बोधन हुने विश्वसनीय आधार निर्माण गर्न प्रमुख जिल्ला अधिकारी ज्यु मार्फत नेपाल सरकारसमक्ष आग्रह गरिन्छ । अन्यथा महासंघ सरकारविरुद्ध देशव्यापी आन्दोलनमा उत्रन बाध्य हुनेतर्फ ध्यानाकर्षण गराइन्छ ।

नेपाल पत्रकार महासंघ बाराको नेतृत्वमा केन्द्रिय सदस्य सिकेन्द्र पासवान, जिल्ला कार्यसमितिकी महिला उपाध्यक्ष प्रीयंका दास, सहसचिव दुश्यान्त चौधरी, कार्यसमिति सदस्य जिउत प्रसाद यादव, नारायण पौडेल, धिरेन्द्र तिवारी, शर्मालाल बैठा, नवीन चौधरी थिए ।

यस्तै जिल्ला कार्यसमितिका पुर्व अध्यक्ष कमल कुमल कुमार उपाध्याय, उपाध्यक्ष राकेश पाण्डे, प्रेस चौतारी नेपालका पुर्व केन्द्रिय सदस्य गोकुल घोरसाईने, नेपाल प्रेस युनियन मधेस प्रदेशका अध्यक्ष सत्यप्रकाश श्रेष्ठ थिए ।

यसैगरी प्रेस चौतारी नेपालका मधेस प्रदेश महासचिव दिवाकर भण्डारी, प्रेस चौतारी बारा अध्यक्ष थानेश्वर सापकोटा , मेचिमहाकाली मिडिया सोसाईटी बारा अध्यष भोजराज भट्टराई, पत्रकार अनिल पाण्डे ,धिरज निश्पक्ष,अनिल प्रीत चौधरी लगायत कार्यक्रममा सहभागि थिए ।

प्रजिअ मार्फत नेपाल सरकारलाई बुझाईएको ध्यानाकर्षण पत्र :