हेटौंडामा सहकारीका प्रमुखहरुलाई दुईदिने कर्जा ब्यवस्थापन तालिम सुरु

हेटौंडा । साना किसान विकास लघुवित्त वित्तिय संस्था लिमिटेड शाखा कार्यालय हेटौंडको आयोजनामा दुईदिने ग्रामिण उद्यम कर्जा ब्यवस्थापन तालिम सुरु भएको छ ।
होटल सामानामा सुरु भएको दुईदिने तालिम सोमबार र मंगलबार संचालन हुने आयोजक वित्तिय संस्थाका शाखा प्रमुख भोलानाथ रेग्मीले जानकारी दिए ।

तालिममा बारा पर्सा, रौतहत ,मकवानपुर र चितवनका गरी २० वटा साना किसान कृषि सहकारी संस्था लिमिटेडहरुबाट मुख्य प्रबन्धक र सहायक प्रबन्धकहरु गरी ३० जना सभाहभागी छन् ।

सहभागिहरुलाई ग्रामिण उद्यम कर्जा नीति, प्रभावकारीता, ब्यवसायीक योजनाका आधारभुत संरचना, वित्तिय प्रक्षेपण सहित कर्जाका आवश्यक विधि प्रकृया बारे जानकारी गराईने छ ।

वित्तिय संस्थाले एशियालि विकास बैंकसँगको सहकार्यमा उक्त कर्जा देशभरका १ हजार ४ सय बढी साना किसान र अन्य कृषि सहकारी संस्थाहरु मार्फत कृषक सदस्यहरुमा सहुलियत दरमा प्रदान गर्दै आएको शाखा प्रबन्धक रेग्मीले जानकारी दिए ।

तालिममा वित्तिय संस्था शाखा प्रमुख रेग्मी, वरिष्ठ अधिकृत विष्णु प्रसाद कालाखेती, रामबाबु सिंह र सहायक निरज कुमार सिंहले सहजीकरण गर्ने उनले बताए ।