पत्रकार हत्याका विरुद्ध बारामा प्रदर्शन

कलैया ।बाराका पत्रकारहरुले जिल्लाको सदरमुकाम कलैया स्थीत भरत चोकमा विरोध सभा गरेका छन् । सुक्रबार काठमाडौंमा राजावादीहरुले गरेको प्रदर्शनका क्रममा गरिएको पत्रकार हत्या र मिडिया माथिको आक्रमणको विरुद्धमा शनिबार विहान महासंघ बाराले कलैयामा प्रदर्शन गरेको हो ।

महासंघले कलैयाको भरतचौकबाट निकालेको विरोध प्रदर्शन जिल्ला प्रशासन कार्यालय अगाडी पुगेर फर्कीको थियो । पुनःभरत चौकमा जम्मा भई प्रदर्शन विरोध सभामा परिणत भएको थियो ।

महासंघका केन्द्रिय सदस्य सिकेन्द्र पासवानको प्रमुख आतिथ्यता, महासंघ बाराका उपाध्यक्ष पन्नालाल दासको अध्यक्षतामा सम्पन्न विरोध सभामा, प्रदेश कोषाध्यक्ष अनिल गौरव, महासंघ बाराका पुर्व अध्यक्ष कमल उपाध्याय सहभागी थिए । यस्तै महासंघ बाराका पुर्व उपाध्यक्ष राकेश पाण्डे, नागरिक समाजका अध्यक्ष उमेशलाल दास, वरिष्ठ पत्रकार सत्यप्रकाश श्रेष्ठ लगायतले पत्रकार हत्या, संचार क्षेत्र माथिको आक्रमणको कडा शब्दमा विरोध गरेका थिए । वक्ताहरुले सरकार र राजावादीहरुलाई संयमित बन्न, सुचना दिने र पाउने अधिकार हनन् हुने गतिवीधि नगर्न खबरदारी, आन्दोलनका क्रममा मृत्युवरण गरेका पत्रकार सुरेश रजकको न्याय र उचित क्षेतीपूर्तीको माग गरेका थिए ।

जिल्ला सचिव पुष्पराज खतिवडाले संचालन गरेको कार्यक्रममा पत्रकार महासंघ मधेश प्रदेश समितिका सदस्य साजीर मन्सुर,प्रेस मञ्चका केन्द्रिय सदस्य अनिल वर्मा, आदीवासी पत्रकार संगठनका प्रदेश अध्यक्ष दुस्यान्त चौधरी थिए ।

यस्तै महासंघ बाराका पूर्व सचिव जयनारायण यादव, प्रेस यूनियन बाराका अध्यक्ष श्याम यादव, प्रेस चौतारी नेपाल बाराका उपाध्यक्ष जीउत प्रसाद यादव लगायत २ दर्जनबढी सक्रिय पत्रकारहरुको कार्यक्रममा सहभागिता थियो ।

मुख्यमन्त्रीको सहभागितामा दीप प्रज्वलन

यस्तै नेपाल पत्रकार महासंघको ७० औं स्थापना दिवसको पूर्वसन्ध्यामा सुक्रबार साँझ बाराको कलैया र सिम्रौंनगढमा एकसाथ दीप प्रज्वलन गरिएको थियो ।

उक्त कार्यक्रमको मधेश प्रदेशका मुख्यमन्त्री शतिश कुमार सिंहले उद्घाटन गर्नु भएको थियो । कार्यक्रमा वरिष्ठ पत्रकार दिलभुषण पाठक, विना फाण्डेसनकी ममता शर्मा, सिम्रौंनगढका मेयर किशोरी प्रसाद कलवार, नेपाल पत्रकार महासंघ बाराका पूर्व अध्यक्षहरु गुरुप्रसाद गौतम्, लक्ष्मी साह,प्रदेश पत्रकार महासंघका पूर्व सदस्य महेश्वर अधिकारी अग्रज पत्रकार रामेश्वर मेहता, पत्रकार रमेश ठाकुर, धिरज निश्पक्ष, नारायण पौडेल, लगायतको सहभागिता थियो ।
कार्यक्रम नेपाल पत्रकार महासंघ बाराका सचिव पुष्पराज खतिवडाको अध्यक्षतामा सम्पन्न भएको थियो ।

यसैगरी सोही समयमा बारा जिल्लाको सदमुकाम कलैया स्थीत भरत चौकमा समेत दिप प्रज्वलन गरिएको थियो । उक्त कार्यक्रममा महासंघका केन्द्रिय सदस्य सिकेन्द्र पास्वान, पत्रकार महासंघ मधेश प्रदेश समितिका सदस्य साजीर मन्सुर, महासंघ बाराका पूर्व उपाध्यक्ष राकेश पाण्डे, सचिव जयनाराण यादव, अग्रज सत्यप्रकाश श्रेष्ठ, धिरेन्द्र तिवारी, वर्तमान उपाध्यक्ष पन्नालाल दासदासको अध्यक्षतामा भएको कार्यक्रममा  एक दर्जन पत्रकार सहभागी थिए ।

अनाथालयमा खाध्यान्न सामाग्री वितरण

यस्तै विरोध प्रदर्शनका बावजुद शनिबार जिल्लाको सदरमुकाम कलैयामा रहेको अमृता अनाथालयमा पूर्व निर्धारित कार्यक्रम अन्तर्गत खाध्यान्न सामाग्री वितरण समेत गरिएको थियो । नेपाल पत्रकार महासंघको ७० औं स्थापना दिवसको अवसरमा बारा शाखाको तर्फबाट अनाथालयमा पुगेर दाल, तेल,हर्दि, गेडागुडी, चिउरा, भूजा लगायतका सामाग्री प्रदान गरिएको थियो ।