काँग्रेस महामन्त्री थापा क्षेत्रिय सम्मेलनलाई सम्बोधन गर्न बारा आउने

बारा । नेपाली काँग्रेस बाराको क्षेत्र नं.३ को प्रथम क्षेत्रीय सम्मेलनलाई सम्बोधन गर्न नेपाली काँग्रेसका महामन्त्री एवं पूर्व स्वास्थ्यमन्त्री गगन थापा आउने भएका छन् ।

आगामी बैशाष ३ गते प्रथम सम्मेलन हुने भएको र उक्त कार्यक्रमलाई उत्साह दिन महान्त्री थापा बारा आउनलाग्नु भएको हो, क्षेत्रीय सचिव राजेश भण्डारीले जानकारी दिए ।
काँग्रेस क्षेत्रीय समितिको आयोजना र बारा काँग्रेसको सहजीकरणमा सम्मेलन हुन लागेको हो । कार्यकर्तालाई एकताबद्ध एवं उत्साहित पार्ने एकताको सन्देश दिने उदेश्यले महामन्त्रीको उपस्थीतिमा सम्मेलनको आयोजना हुने भएको हो । उक्त कार्यक्रमका लागि आवश्यक भब्य तयारी भैरहेको क्षेत्रीय सचिव एवं उदयमान नेता भण्डारीले जानकारी दिए ।

सम्मेलनमा हजारौंको नेता, कार्यकर्ता एवं स्थानियको सहभागिता हुने छ । सम्मेलन हुने स्थानको टुङ्गो भने केहीदिन भित्र सुचित गरिने उनले बताए । यद्यपी श्रोतका अनुसार कार्यक्रम क्षेत्र नं.३ को उत्तरी क्षेत्रको बडहर्वामा आयोजना गरिने छ ।