प्रतिबन्धित लागू औषध ५ काटुन प्रहरीको नियन्त्रणमा, विभिन्न मुद्दामा ३ जना पक्राउ

बारा । प्रहरीले प्रतिबन्धित लागू औषध ५ काटुन प्रहरीको नियन्त्रणमा लिई विहिबार सार्वजनिक गरेको छ ।

बुधबार साँझ पौने ६ बजै ईलाका प्रहरी कार्यालय सिम्रौनगढको गस्ती टोली सिम्रौनगढ नगरपालिका वडा नं.०६ स्थित सतुवाई बोर्डर एरियाबाट ठुलो परिमाणमा लागु औषध बरामद गरेको बारा प्रहरीले जनाएको छ । बराम भएका लागु औषधमा डाईजेपाम २ एमएल ५ सय एम्पुल, सोही परिमाणमा नुफिन र फेनार्गन गरी १५ सय पिस बरामद भएको हो ।

ईलाका प्रहरी कार्यालय सिम्रौनगढका प्रहरी सहायक निरिक्षक बिजय महतोको गस्ति टोलीलाई देखी भारतबाट नेपाल तर्फ आँउदै गरेको व्यक्तीले बोरा फाली भारत तर्फ भागेका थिए । उनले फालेको झोला खोली हेर्दा ५ वटा सानो काटुनको पोकामा लागू उल्लेखित परिमाणमा औषध बरामद बरामद भएको हो ।

#दुईजना फरार प्रतिवादी पक्राउ
प्रहरी कारवाहीको सिलसिलामा जिल्ला अदालत बारा कलैयाबाट दण्ड सजाय तोकिएका तर फरार रहेका दुईजनालाई बुधबार पक्राउ गरी अदातमा दाखिला गरेको छ । मुद्दामा बरदात पश्चात फरार रहेका जिल्ला बारा कलैया उपहानगरपालिका वडा नंं १६ का राघव प्रसाद कानु र वडा नं.२१ का नरेश गिरी छन् ।

उनीहरुमध्य कानुलाई चेक अनादर मुद्दामा एकहजार र गिरीलाई मोटरसाईकल चोरीको आरोपमा २ सय रुपैया अदालतले तिराई सोही दिन छाडेको प्रहरीले जनाएको छ ।

#१३ किलो लागू औषध गाँजा सहित एकजना महिला पक्राउ
यस्तै १३ किलो लागू औषध गाँजा सहित एकजना महिला पक्राउ परेकी छन् । पक्राउ पर्नेमा जिल्ला मकवानपुर राक्सिराङ गाउँपालिका वडा न.१ बस्ने किरण गोलेको श्रीमती ५० बर्षकी सुशिला गोले रहेको प्रहरीले जनाएको छ ।

विशेष सूचनाको आधारमा बुधबार बिहान ०८ः१५ बज जितपुरसिमरा उ.म.न.पा.३ बजनी उनलाई गाँजा सहित प्रहरीले पक्राउ गरेको हो । बिरगंज पथलैया सडक खण्ड स्थितको अस्थाई प्रहरी पोष्ट, रामबनबाट प्रहरी वरिष्ठ हवल्दार दिलिप कुमार सिंहको टोलीले हेटौडाबाट बिरगंज जाँदै गरेको ना ८ ख ६०६१ नं.को यात्रुबाहक माईक्रोबाट उनलाई पक्राउ गरेको जनाएको छ ।

माईक्रोमा सवार गोलेको साथमा रहेको २ वटा बोरामा २ पोका अवैध लागु औषध गाँजा १३ किलो फेला परेको हो । औषध गाँजा सहित १ पक्राउ परेकी गोलेलाई लागुऔषध मुद्दामा आवश्यक कानूनी प्रकृया अगाडी बढाईएको बारा प्रहरी प्रवक्ता डिएसपी विजयराज पंडितले जानकारी दिनुभयो ।