बडहर्वा कृषि बजारमा होलीका अवसरमा ब्यापारिलाई फ्रुटी र विस्कुट

बारा । जीतपुर सिमरा उपमहानगरपालिका वडा नं.१८ को बडहर्वा कृषि बजारमा आएका ब्यापारिहरुलाई होली पर्व २०८१का अवसरमा अविर लगाई फ्रुटी विस्कुत वितरण गरिएको छ । नियमित रुपमा हरेक सोमबार र विहिबार सातको दुईदिन लाग्ने कृषि बजारमा आउने ब्यपारीहरुलाई विहिबार होलीको अवसरमा फ्रुटी विस्कुट वितरण गरिएको हो ।

फ्रुटी विस्कुट वितरण कार्यक्रममा बजार समितिका अध्यक्ष विमलराज भारती ,उपाध्यक्ष गोपाल सुहाल, स्थानिय मुकुन्द सापकोटा लगायतको सहभागिता थियो । अध्यक्ष भारतीले बजारमा आएका ब्यापारीलाई अविर (फागु) लगाईदिनु भएको थियो ।

बजारमा कृषि उपज विक्रिका लागि आएका ३५ जनाबढी ब्यारिहरुलाई अविर दलेर फ्रुटी विष्कुट वितरणगरी भाईचारा सहित होली मनाईएको बजार समितिका अध्यक्ष भारतीले जानकारी दिनु भयो ।

यस्तै स्थानिय सर्वशुलभ बचत तथा ऋण सहकारी संस्था लि.ले होली पर्वका अवसरमा शुभकामना आदानप्रदान कार्यक्रम गरेको छ । विहिबार संस्थाको सभाकक्षमा आयोजना गरिएको कार्यक्रममा सहभाागिले अविर लगाएर शुभकामना आदान प्रदान गरेका थिए ।

संस्थाका अध्यक्ष विमलराज भारतीको अध्यक्षतामा आयोजित कार्यक्रममा संस्था पधादीकारी, कर्मचारी एवं स्थानिय भद्रभलादमीहरुको सहभागिता रहेको संस्थाका ब्यवस्थापक कृष्ण बुढाथोकीले जानकारी दिनुभयो ।