१ सय ५० केजी गाँजा सहित चार जना पक्राउ

बारा प्रहरीले गएराती १ सय ५० केजी अबैध लागु औषध गाँजा सहित चार जनालाई पक्राउ गरेको छ ।

पक्राउ पर्ने बारा जीतपुरसिमरा उपमहानगरपालिका वडा नं.२२ चकरीका बुद्ध लामा, वडा नं. ८ का नन्दकिशोर, वीर बहादुर डम्बा र मवानपुर उपमहानगरपालिका १५ रातोमाटीका सोमलाल पाख्रीन भएको प्रहरीले जनाएको छ ।

टाउकोमा बोरा भित्र गाँजा बोकी खोलैखोला रतनपुरबाट बकुलिया तर्फ जाँदै गरेका थिए । विशेष सुचनाका आधारमा ईलाका प्रहरी सिमरा र लागु औषध नियन्त्रण ब्युरो शाखा कार्यालय बिरगंज पर्साको संयुक्त टोलीले गएराती उनीहरुलाई पक्राउ गरेको हो । अन्दाजी ०१ः४५ बजे जितपुरसिमरा उपमहानगरपालिका वडा नं.४ औराहा स्थित दुधौरा खोलामा गाँजा सहित उनीहरुलाई पक्राउ गरिएको हो ।

सिमराका प्र.स.नि.प्रदिप प्रसाद पाण्डेको कमाण्डमा खटिएको टोली ६वटा बोरा अं.१५० किलो ग्राम सहित पक्राउ गरेका ४ जनालाई ईलाका प्रहकरीकार्यालयको हिरासतमा राखी थप अनुसन्धान भैरहेको बारा प्रहरीले जनाएको छ ।