६ लाख रुपैंया बढीको पटाखा बरामद

बारा : प्रहरीले अनुमानित मुल्य ६ लाख एकहजार दुईसय रुपैंयाको पटाखा बरामद गरेको जनाएको छ । पछिल्लो डेढमहिनामा प्रहरीका विभिन्न यूनिटहरुबाट खटिएको प्रहरी टोलीले ठुलो परिमाणमा विष्पोटक पटाखा बरामद गरेको हो ।

नेपाल भारत सिमा नजिकै रहेका कचर्वा, मुसहर्ना, मुसहर्वा, पथलैया प्रहरी चौकी यस्तै ईलाका प्रहरी कार्यालय कोल्हवी, प्रसौनी, बारागढी तथा बेनौलीबाट खटिएको प्रहरी टोलीले सवारी चेकजाँचका क्रममा पटाखा बरामद गरेको हो ।

दिपावली तथा छट लक्ष्यीत गरि लुकाई छिपाई नेपाल ल्याइएका अबैध पटाखा प्रहरीले नियन्त्रणमा लिएको बारा प्रहरी प्रवक्ता डिएसपी प्रकाश सापकोटाले बताए ।
नेपाल ल्याईएका बुलेट बम, नागिन पटाका, रकेट बम, किंग कोबरा पटाखा, मेगा स्टार, झिरझिरे लगायतका छन् । यस्ता पटाका २० बोराबढी रहेको उनले बताए । प्रहरीले बरामद भएको पटाखा नियमानुसार नष्ट गर्ने छ ।

यो परिणाम गत भदौ २९ गते देखी कार्तिक ८ गते सम्मको हो । यस अवधिमा प्रहरीले १० वटा कार्वाहीमा उक्त पटाखा बरामद गरेको डिएसपी सापकोटाले जानकारी दिए ।